प्रतिनिधिसभा विघटन उपलब्धि समाप्ति गर्ने गम्भीर षड्यन्त्र : देवेन्द्र पौडेल

काठमाडौं। नेकपा माओवादी केन्द्रका सचिव देवेन्द्र पौडेलले विघटन गर्नु लोकतन्त्रप्रतिको गम्भीर आघात भएको बताएका छन्।

प्रतिनिधिसभा विघटनले राज्यलाई अस्थिरतातर्फ र प्राप्त उपलब्धिहरुको समाप्ति गर्नेतिर षड्यन्त्र भएको हुँदा पार्टी त्यसको विरोधमा उत्रिने उनले बताएका हुन्।

‘जननिर्वाचित सर्वोच्च संस्था विघटन गर्नु लोकतन्त्रप्रतिको गम्भीर आघात हो । लोकतन्त्रमा जनताको सार्वभौम मतको अभिव्यक्ति हुनुपर्छ । पछिल्लो पटक प्रकट भएको जनमतको आधारमा बनेको प्रतिनिधि संस्था विघटन हुनु भनेको राज्यलाई अस्थिरतातिर, प्राप्त उपलब्धिहरुको समाप्ति गर्नेतिर गम्भीर षड्यन्त्र भएको हुँदा त्यसको विपक्षमा, विरोधमा नेकपा(माओवादी केन्द्र) पदाधिकारी बैठकले निर्णय गरेर उभिने र सम्पूर्ण जनतालाई अपील गर्ने भएको छ ।’ उनले भने ।