संसद् विघटनमा आपत्ति छ, तर चुनावमा जान्छौँ : प्रचण्ड

विराटनगर । नेकपा माओवादी केन्द्रका अध्यक्ष पुष्पकमल दाहाल प्रचण्डले संसद विघटनको प्रक्रियामा असहमति भएपनि अन्तरिम सरकार निर्माणमा भूमिका खेलेको बताउनुभएको छ।

बिहीबार भिडियो सन्देश जारी गर्दै अध्यक्ष प्रचण्डले अन्तरिम सरकारको नेतृत्वका लागि राष्ट्रपतिज्यूसँग सहजीकरण गरेको उल्लेख गर्नु भएको हो।

‘संसद विघटनको विधि र प्रक्रियामा असहमत हुँदाहुँदै पनि अन्तरिम सरकारको नेतृत्वका लागि राष्ट्रपतिज्यूसँग सहजीकरणमा प्रचण्ड र माओवादी केन्द्रको के कस्तो भूमिका रह्यो त्यो सबैमा स्पष्ट नै छ’ प्रचण्डले भन्नुभएको छ।