नारायणगढ-मुग्लिन सडकमा पहिरो पन्छाउनेकाम सकिएन, रातभर गाडी नगुड्ने

चितवन । नारायणगढ-मुग्लिन सडक खण्डको पहिरो पन्छाउने काम साढे ६ बजेदेखि रोकिएको छ ।

पहिरो लगातार खसिरहेको कारण पन्छाउन जोखिम भएकोले आजको लागि पहिरो पन्छाउने काम रोकिएको चितवनका प्रहरी प्रमुख एसपी गोविन्द पुरीले जानकारी दिनुभयो।

रातको समयमा बत्तीको सहाराले भएपनि पहिरो पन्छाउने तयारी गरिएपनि साढे ६ बजे नै ठूलो पहिरो खसेपछि जोखिमका कारण पहिरो पन्छाउन रोकिएको हो । उहाँले पहिरो पन्छाउने काम भोलि बिहानैदेखि सुरु गर्ने जानकारी दिनुभयो।

आज रातभर पहिरो नखसेको अवस्थामा भोलि दिउँसो देखि यातायात सञ्चालन गर्न सकिने अनुमान गरिएपनि पहिरो निरन्तर गइरहेका कारण यातायात पन्छाउने कतिबेला सकिन्छ भन्ने यकिन नभएको एसपी पुरीले बताउनुभयो ।