एसिया कपको उपाधिका लागि आज भिड्दैछन् भारत-पाकिस्तान

काठमाडौँ। एसिया कपको उपाधिका लागि आज साविक विजेता भारत र पाकिस्तानबीच प्रतिस्पर्धा हुँदै छ । प्रतियोगिता यूएईस्थित दुबई इन्टरनेसनल क्रिकेट स्टेडियममा नेपाली समयअनुसार साँझ सवा ८ बजेबाट सुरु हुनेछ ।

सुपर फोरका शीर्ष दुई टोलीबीच प्रतिस्पर्धा हुन लागेको हो । भारत सुपर फोरको पहिलो र पाकिस्तान दोस्रो स्थानमा रहेर फाइनलमा भेट हुन लागेका हुन् ।

जारी प्रतियोगितामा भारत अपराजित टोली हो ।

प्रतियोगितामा दुई समूहमा गरी ८ टोली सहभागी थिए, जसमा भारत र पाकिस्तानसँगै, अफगानस्तान, बंगलादेश, श्रीलंका, ओमान, यूईए र हङकङ चाइना रहेका थिए ।