मधेशमा पहिलो पटक कांग्रेसको नेतृत्वमा सरकार बनाउने प्रयत्न

एमाले र जनमतको सहयोगमा कांग्रेसले पुन: दाबी पेस गर्ने

प्रदेश प्रमुखबाट नयाँ सरकार गठनको आह्वान भएपछि दलहरूले नयाँ सरकार गठनका लागि तयारी थालेका छन् । हुन त मुख्यमन्त्री सिंहले राजीनामा दिनुअघि नै नेकपा एमाले र जनमत पार्टीको समर्थनमा नेपाली कांग्रेसले आफ्नो नेतृत्वमा सरकार गठनका लागि बहुत सांसदको हस्ताक्षरसहित दाबी गरेको थियो । तर, संवैधानिक व्यवस्थाअनुसार मुख्यमन्त्री पदमा रहेकै अवस्थामा प्रदेश प्रमुखले नयाँ सरकार गठनका लागि आह्वान नगरेकाले कांग्रेसको त्यो दाबीपत्र प्रदेश प्रमुख कार्यालयले दर्ता गरेको थिएन ।

जनमत पार्टीका संसदीय दलका नेता महेशप्रसाद यादवले सरकार गठनका लागि  पुनः दाबी पेस गर्ने बताउनुभयो। उहाँले भन्नुभयो ‘कांग्रेस संसदीय दलका नेता कृष्णप्रसाद यादवलाई मुख्यमन्त्री बनाउने दाबी पेस गर्छौं ।’

‘कांग्रेस, एमाले र जनमतको संयुक्त सरकार हुन्छ,’ उहाँले भन्नुभयो, ‘त्यसमा कुनै दाबी हुँदैन । यो विषयमा हामी तीन दल स्पष्ट छौँ ।’