मुस्ताङमा कात्तिकमै हिमपात : किसान र पर्यटन व्यवसायी उत्साहित

मुस्ताङ। तीन वर्षदेखि राम्ररी हिउँ नपरेको मुस्ताङमा यस वर्ष कात्तिकमै हिमपात सुरु भएको छ। आज बिहानदेखि निरन्तर परेको हिउँले मुक्तिनाथ, घमीदेखि उच्चलेक क्षेत्रमा गतिविधि प्रभावित बनाएको छ।

स्थानीय प्रशासनले उच्च हिमाली पदमार्गमा यात्रा नगर्न पर्यटकलाई अनुरोध गरेको छ। मुक्तिनाथ दर्शनमा आएका यात्रु चिसो र स्नानकुण्डमा जमेको हिउँका कारण कठिनाइमा परेका छन्।

तर, हिमपातले कृषक, पशुपालक र पर्यटन व्यवसायीलाई उत्साहित बनाएको छ। स्याउ, फापर, जौ, मकाइलगायत अन्नबालीको उत्पादनका लागि माटोलाई मुलायम पार्ने, जमिनको भित्री तहसम्म पानी पु¥याउने र रोगकिरा नियन्त्रणमा मद्दत गर्ने भएकाले कृषकले लाभ उठाउनेछन्।

उच्चलेक चरन क्षेत्रमा घाँस पर्याप्त भएपछि पशुपालक र वन्यजन्तुबीच द्वन्द्व कम हुने अपेक्षा गरिएको छ। हिमपातले पर्यटन प्रवद्र्धनमा पनि सकारात्मक असर गर्ने जनाइएको छ। मुक्तिनाथस्थित होटल व्यवसायी र स्थानीय युवा क्लबका अध्यक्षका अनुसार हिउँले स्की प्रतियोगिता आयोजना सम्भव पार्ने तथा पर्यटक आकर्षित गर्ने अवसर सिर्जना गरेको छ।

वडाध्यक्ष प्रवेश गुरुङले भन्नुभयो, “हिउँले कृषि, पर्यटन र जैविक विविधतामा फाइदा पुर्‍याएको छ। केही छिटो परेको भए पनि समग्रमा लाभदायक भएको छ।” रासस