अविरल वर्षासँगै देशभरका प्रमुख राजमार्ग अवरुद्ध

काठमाडौँ। बिहीबार बिहानदेखि परेको अविरल वर्षाले देशका विभिन्न स्थानमा पहिरो खस्दा विभिन्न प्रमुख राजमार्गहरू अवरुद्ध भएका छन्।
प्रहरी प्रधान कार्यालयका अनुसार, कोशी राजमार्गको सङ्खुवासभा खण्ड, पाँचथरको तमोर करिडोर, ओखलढुङ्गाको सिद्धिचरण राजमार्ग, काभ्रेपलाञ्चोकको नमोबुद्धस्थित बीपी राजमार्ग, रसुवाको पासाङल्हामु राजमार्ग र नेपाल–चीन जोड्ने पुल, तथा सिन्धुलीको मध्यपहाडी लोकमार्ग अवरुद्ध भएका छन्।

त्यस्तै, जोमसोम–कोरोला खण्ड, म्याग्दीको बेनी–दरवाङ सडक र अर्घाखाँचीको सन्धीखर्क–गोरुसिङ्गे सडक भने एकतर्फी सञ्चालनमा रहेको प्रहरी प्रवक्ता विनोद घिमिरेले जानकारी दिनुभयो।