जनकपुरले काठमाडौंलाई दियो १३१ रनको लक्ष्य

काठमाडौं । नेपाल प्रिमियर लिग (एनपीएल) मा जनकपुर बोल्ट्सले काठमाण्डू गोर्खाजलाई १ सय ३१ रनको लक्ष्य दिएको छ । टस हारेर पहिले ब्याटिङको निम्तो पाएको जनकपुरले २० ओभरमा ५ विकेट गुमाउँदै १ सय ३० रन बनाएको हो ।

पावर प्लेको सुरुवाती तीन ओभर राम्रो गरेको जनकपुर बोल्ट्स बीचमा सुस्त बनेको थियो । डिफेन्डिङ च्याम्पियन्सलाई सय रन पुर्‍याउन १७औँ ओभरसम्म खेल्नुपर्‍यो । यद्यपि, मयन यादव र लाहिरु समाराकोनले आएर जनकपुरको स्कोर बढाउन योगदान गरे ।

जनकपुरका लागि आसिफ शेखले सर्वाधिक ५४ रन बनाए । ४१ बलमा खेलेका उनी एनपीएल सिजन २ मा अर्धशतक बनाउने पहिलो खेलाडी पनि बनेका छन् । उनलाई १३औँ ओभरको पाँचौँ बलमा काठमाण्डू गोर्खाजका शोहव आलमले आउट गरेका हुन् । यसैगरी जनकपुरका श्रीलंकाली ब्याट्सम्यान लाहिरु मिलान्था १२ बलको सामना गरी ७ रनमा आउट भए । उनलाई काठमाण्डू गोर्खाजका अमेरिकी बलर मिलिन्द कुमारले चौथो ओभरमा आउट गरेका हुन् । मयनले ३४ र लाहिरुले २२ रनमा नटआउट रहे ।

यस्तै जनकपुरका नामिबियन ब्याटर जान लोफ्टी इटन ८ बलमा २ रन मात्र बनाएर आउट भए । उनलाई पनि मिलिन्द कुमारले आउट गरे । २ बलको सामना गरेका कप्तान अनिलकुमार शाह शून्य रनमै आउट भए । उनलाई पनि मिलिन्द कुमारले नै आउट गरे

पाँच विकेट गइसकेपछि आएका मयन यादव र लाहिरु समाराकोनले जनकपुरलाई लयमा फर्काए । यस्तै सञ्जय कृष्णमूर्तिले ६ बलमा २ रन मात्र बनाउन सके । उनलाई आठौँ ओभरमा सन्तोष यादवले आउट