आगामी फागुनमा चुनाव हुँदैन : शंकर पोखरेल

काठमाडौं। नेकपा एमालेका महासचिव शंकर पोखरेलले नहुने निर्वाचनको पार्टीले पैरवी नगर्ने बताउनुभएको छ।  सरकारका क्रियाकलाप निर्वाचन गर्नेतर्फ नभएको बताउँदै उनले आगामी फागुन २१ गते चुनाव नहुने दाबी गर्नुभयो।

प्रेस चौतारी नेपाल, रूपन्देहीले सोमबार बुटवलमा गरेको भेटघाट कार्यक्रममा महासचिव पोखरेलले एमाले चुनावबाट नभाग्ने बताउनुभयो।  तर अहिलेको चुनौतीपूर्ण क्षणको निकास प्रतिनिधिसभा पुन:स्थापना भएको उहाँले स्पष्ट पार्नुभयो।

‘केही राजनीतिक दलले जेनजी रिसाउलान् भनेर चुनाव भनेका छन्,’ लुम्बिनी प्रदेशका संस्थापक मुख्यमन्त्री समेत रहेका पोखरेलले भन्नुभयो, एमालेको स्पष्ट अडान छ । यो सरकार चुनावका लागि होइन, निर्वाचन गराउँदा पनि गराउँदैन । २०५९ जस्तो वैधता नपाउने चुनावको अर्थ छैन ।’