डिफेन्डिङ च्याम्पियन जनकपुर काठमाडौंसँग पहिलो खेलमा पराजित

काठमाडौं। नेपाल प्रिमियर लिग(एनपीएल) काे दोस्रो संस्करणमा काठमान्डु गाेखार्जले विजयी सुरुवात गरेकाे छ ।

कीर्तिपुरस्थित त्रिवि क्रिकेट मैदानमा साेमबार सम्पन्न उद्घाटन खेलमा काठमान्डुले साविक विजेता जनकपुर बाल्ट्सलाई पाँच विकेटले पराजित गर्याे । जनकपुरले प्रस्तुत गरेकाे १३१ रनकाे लक्ष्य काठमान्डुले १८ ओभरमा पाँच विकेट गुमाउँदै पुर्यायाे ।

काठमान्डुका लागि बेन चार्ल्सवर्थले २३ बलमा ५ चाैका र ३ छक्काे मद्दतले सर्वाधिक ४६ रनकाे याेगदान गरे । यसैगरी आकाश त्रिपाठीले ३९, मिलिन्ड कुमारले १९ र जाेहन सिम्पसनले १३ रन बनाए । जनकपुरका लागि कप्तान अनिलकुमार सास, किशाेर महताे, ललितनारायण राजवंशी, जान निकाेल लफ्टी इटाेन र सञ्जय कृष्णमुर्तीले समान एक विकेट लिए ।

त्यसअघि टस हारेर ब्याटिङकाे निम्ताे पाएकाे जनकपुरले निर्धारित २० ओभरमा ६ विकेट गुमाउँदै १३० रनकाे याेगफल तयार पारेकाे थियाे । जनकपुका लागि आसिफले ४१ बलमा ६ चाैका र १ चाैकाकाे मद्दतले सर्वाधिक ५४ रनकाे याेगदान दिए।

यसैगरी मयन यादवले अविजित ३४ र लाहिरु समराकाेनले २२ रन बनाए । काठमान्डुका लागि मिलिन्ड कुमारले तीन तथा शाहव आलम, सन्ताेष यादव र कप्तान करण केसीले समान एक विकेट लिए ।