एमालेले बनायो राष्ट्रिय स्वयंसेवक फोर्स, संयोजकमा पुष्पराज

काठमाडौँ। नेकपा (एमाले), राष्ट्रिय स्वयंसेवक फोर्स (एनभीएफ) केन्द्रीय ‘कमाण्ड’ घोषणा गरिएको छ।

एमाले जनसंगठन समन्वय संयन्त्रद्वाराले शुक्रबार आयोजना गरेको कार्यक्रममा एमाले अध्यक्ष केपी शर्मा ओलीलगायत नेता तथा कार्यकर्ताको उपस्थितिमा सातै प्रदेशका प्रतिनिधित्व रहने गरी ‘कमाण्ड’ घोषणा गरिएको हो। पुष्पराज श्रेष्ठको संयोजकत्वमा एघार सदस्यीय टोली रहेको छ।

संयन्त्रका संयोजक भानुभक्त ढकालले फोर्सको केन्द्रीय सचिवालय र केन्द्रीय कमिटी सदस्यको नाम घोषणा गर्नुभयो। टोलीमा सहसंयोजकसहित केशव रोका, लव अधिकारी यादव, जयराम लामा, विदुर शर्मा, सागर भट्ट, सञ्जीव धिताल, विनिता काफ्ले छन्। टोलीलाई पार्टीका अध्यक्ष ओलीले बधाई दिँदै सपथसमेत गराउनुभयो।