पोखरासामु सुदूरले पस्कियो १९४ रनको लक्ष्य

काठमाडौं।  नेपाल प्रिमियर लिग (एनपीएल) मा पोखरा एभेन्जर्ससामु   सुदूरपश्चिम रोयल्सले १९४ रनको लक्ष्य प्रस्तुत गरेको छ ।

कीर्तिपुरस्थित त्रिवि क्रिकेट मैदानमा टस हारेर ब्याटिङको निम्तो पाएको सुदूरपश्चिमले निर्धारित २० ओभरमा सात विकेट गुमाउँदै रनको १ सय ९३ रनको योगफल तयार पारेको थियो ।

सुदूरपश्चिमका लागि जोश ब्राउनले ३५ बलमा ६ चौका र चार छक्काको मद्दतले सर्वाधिक ६८ रनको योगदान गरे । यसैगरी विनोद भण्डारीले ४३, क्रिस लिनले ३१ र कप्तान दीपेन्द्रसिंह ऐरीले १५ रन बनाए ।

पहिलो विकेटका लागि ब्राउन र विनोदले १०८ रनको साझेदारी गरेका थिए । यो साझेदारी जिम्मी निशमले तोडेका थिए । पोखराका लागि जिम्मी निशमले तीन तथा ड्यानियल डाउथवेट आकाश चन्दले दुई–दुई विकेट लिए ।