महेश बस्नेत सवार गाडीमा रातो रङ प्रहार

काठमाडौँ। नेकपा एमालेका नेता तथा पूर्वमन्त्री महेश बस्नेत सवार गाडीमा विराटनगरमा प्रदर्शनकारीहरूले रातो रङ फ्याँकेका छन्। विराटनगर विमानस्थल परिसरबाट बाहिरिने क्रममा बस्नेतको गाडीमा रङ प्रहार भएको हो।  विरोधमा संलग्न युवाहरूले नाराबाजी पनि गरेका थिए।

प्रहरीले घटनामा संलग्न भएको आरोपमा सन्जोग गौतम र अर्पित कुँवरलाई नियन्त्रणमा लिएर जिल्ला प्रहरी कार्यालय मोरङ लगेको जनाएको छ। डीएसपी कोपिला चुँडालका अनुसार बस्नेत युवा जागरण अभियानको कार्यक्रममा सहभागी हुन इटहरीतर्फ गएको समयमा उक्त घटना भएको हो।