विराटनगरले जनकपुरलाई दियो १३६ रनको सामान्य लक्ष्य

काठमाडौँ। नेपाल प्रिमियर लिग (एनपीएल) मा विराटनगर किंग्सले साविक विजेता जनकपुर बोल्ट्सलाई १३६ रनको सामान्य लक्ष्य दिएको छ।

कीर्तिपुरस्थित त्रिवि मैदानमा टस जितेर फिल्डिङ रोजेको जनकपुरविरुद्ध विराटनगरले ७ विकेट गुमाएर १३५ रन बनायो।

विराटनगरका लागि शुभन रन्जने ३७, बसिर अहदम ३६ र लोकेश बम २८ रन बनाए। ओपनर जर्ज मुन्से १० तथा मार्टिन गुप्टिल १३ रनमै आउट भए।

बलिङतर्फ जनकपुरका रुपेश सिंह र संगित कोरीले २र२ विकेट लिए। यसअघि जनकपुर पहिलो खेलमै काठमाडौँ गोर्खाजसँग पराजित भएको थियो। विराटनगर भने पोखरा एभेन्जर्स र काठमाडौँविरुद्ध लगातार दुई खेल जितिसकेको थियो।