भारतले लगायो गहुँ निर्यातमा रोक, विश्वभर बढ्यो मूल्य

दिल्ली ।भारतले जारी रुस- युक्रेन युद्धका कारण अन्तर्राष्ट्रिय बजारमा खाद्यान्नको अभाव हुन सक्ने भन्दै भातरले यतिबेला गहुँ निर्यातमा रोक लगाएको छ ।

भारतले गहुँ निर्यातमा रोग लगाएसँगै यतिबेला विश्व बजारमा गहुँको मूल्य निकै बढेको छ ।यतिबेला विश्वबजारमा गहुँको मूल्य ६० प्रतिशतभन्दा बढीले उकालो लागेको स्थिती छ ।

अन्तर्राष्ट्रिय बजारमा गहुँको प्रयोग रोटी बनाउनेदेखि नूडल्सलगातका खाद्य वस्तु उत्पादनमा प्रयोग गरिन्छ ।भारतले गत साता आन्तरिक बजारमा मूल्य बढेको भन्दै गहुँको निर्यात रोक्ने निर्णय गरेको थियो ।

खासगरी, रुस-युक्रेन युद्धका कारण यतिबेला विश्वभर गहुँको आपूर्ति व्यवस्था खलबलिएको छ । मूल्यवृद्धि भएसँगै भारतले आन्तरिक माग पुरा गर्न भन्दै निर्यातमा प्रतिबन्ध लगाएको हो ।

भारतको गहुँ निर्यात प्रतिबन्ध लगाउने निर्णयसँगै जर्मनीका कृषि तथा खाद्य मन्त्री केम ओज्डेमिरले त्यसको विरोध गरेका छन् । उनले जी सेभेनको सभामा बोल्दै भनेका छन्, ‘यदी सबै मुलुकले आफ्नो आवश्यक्ता पुरा गर्न निर्यात बन्द गर्ने हो भने आगामी दिनमा नराम्रो स्थिती आउन सक्छ ।’