सुनको मूल्य बढ्यो, कति पुग्यो?

काठमाडौँ। स्थानीय बजारमा सोमबार सुनको मूल्य प्रतितोला सात सय रूपैयाँले बढेको छ। नेपाल सुनचाँदी व्यवसायी महासंघले सार्वजनिक गरेको मूल्य सूची अनुसार सोमबार सुन प्रतितोला दुई लाख ५२ हजार ९ सय रूपैयाँमा कारोबार भइरहेको छ।

आइतबार सुन प्रतितोला दुई लाख ५२ हजार दुई सय रूपैयाँमा कारोबार भएको थियो। सोमबार चाँदीको मूल्य प्रतितोला २० रूपैयाँले घटेको छ।

सोमबार चाँदीको मूल्य तीन हजार पाँच सय ८५ रूपैयाँमा कारोबार भइरहेको छ। आइतबार चाँदीको मूल्य तीन हजार ६ सय पाँच रूपैयाँमा कारोबार भएको थियो। अन्तर्राष्ट्रिय बजारमा आज सुन प्रतिऔंस ४ हजार दुई सय १३ अमेरिकी डलरमा कारोबार भइरहेको छ।