कति छ तरकारीको मूल्य?

काठमाडौँ। कालीमाटी फलफूल तथा तरकारी बजार विकास समितिले आज ९बुधबार० का लागि कृषिउपजहरूको थोक मूल्य निर्धारण गरेको छ।

कालीमाटीमा आज रातो आलुको मूल्य थप घटेर किलोको ३७ रुपैयाँमा झरेको छ। त्यसैगरि काउली, भन्टा, बोडी, फर्सी, करेला, ब्रोकाउलीसहितका तरकारीको मूल्य पनि घटेको छ। तर, लौकासहितका कतिपय तरकारी भने महँगिएका छन्।

केही तरकारी भने हिजोअस्तीकै मूल्यमा पनि किनबेच भइरहेको समितिले जनाएको छ।

कालीमाटीमा आज ठूलो भारतीय गोलभेँडा ९५, ठूलो नेपाली गोलभेँडा ७५, सानो लोकल गोलभेँडा ४२, टनेलको सानो गोलभेँडा ८४, रातो आलु ३७, सुकेको भारतीय प्याज ३४, लोकल गाँजर १०७, लोकल बन्दा ५०, स्थानीय काउली ४३, लाम्चो भन्टा ७५, डल्ले भन्टा ८५, मकै बोडी ७० रुपैयाँ प्रतिकिलो छ।

त्यसैगरि करेला १२७, लौका ८३, लोकल परबल ९५, डल्ले फर्सी ४७, पाकेको फर्सी ३५, कन्य च्याउ १६५, डल्ले च्याउ ३२५, कुरिलो ११०० र ब्रोकाउली १०२ रुपैयाँ प्रतिकिलो छ।

कालीमाटीमा हिजो ठूलो भारतीय गोलभेँडा ९५, सानो लोकल गोलभेँडा ५०, टनेलको सानो गोलभेँडा ८७, रातो आलु ४०, सुकेको भारतीय प्याज ३३, लोकल गाँजर ११७, लोकल बन्दा ५२, स्थानीय काउली ४५, लाम्चो भन्टा ७५, डल्ले भन्टा ९५, तने बोडी १६५ रुपैयाँ प्रतिकिलो थियो।

त्यसैगरि करेला १३०, लौका ७८, लोकल परबल ९५, डल्ले फर्सी ५५, पाकेको फर्सी ३५, कन्य च्याउ १६५, डल्ले च्याउ ३२५, कुरिलो ११०० र ब्रोकाउली १३६ रुपैयाँ प्रतिकिलो थियो।