ओलीको टिप्पणी : जेनजी र सरकारबीच भएको सम्झौता कलाविहीन भद्दा नाटक

काठमाडौं। नेकपा (एमाले)का अध्यक्ष केपी शर्मा ओलीले जेन–जी र सरकारबीच भएको सम्झौता कलाविहीन भद्दा नाटक भएको टिप्पणी गर्नुभएको छ।

बिहीवार राजधानी काठमाडौंमा सम्पादकहरूसँगको संवादमा उनले यस्तो टिप्पणी गर्नुभएको हो। उहाँले वर्तमान सरकारले प्रणाली र व्यवस्थाबारे कुनै पनि प्रकारको सम्झौता गर्न नमिल्ने बताउनुभयो।

उनले कुनै पनि प्रणाली र व्यवस्थाका बारेमा सम्झौता गर्ने म्याण्डेट यो सरकारले कहाँबाट पायो ? भन्दै प्रश्न गर्नुभउयो। उहाँले सरकार र जेनजीबीच भएको सम्झौता सोही ठाउँमा च्यातेर अस्वीकार भएको भन्दै धेरै टिप्पणी गर्न आवश्यक नहुने तर्क गर्नुभयो।

उहाँले संसद पुनःस्थापनाको विकल्प नभएको पनि बताउनुभयो। वर्तमान सरकारले निर्वाचन गराउन नसक्ने जिकिर गर्दै संसद पुनःस्थापना नै अन्तिम विकल्प भएको बताउनुभयो।