जोगिए लेखक, सहसचिवसहित ६ जनाविरुद्ध भ्रष्टाचार मुद्दा

काठमाडौँ। अख्तियार दुरुपयोग अनुसन्धान आयोगले भिजिट भिषा प्रकरणमा नेपाल सरकारका सहसचिव तीर्थराज भट्टराईसहित ६ जनाविरुद्ध भ्रष्टाचार मुद्दा दर्ता गरेको छ।

भिजिट भिषामा विदेश जाने नेपालीसँग रकम असुलेको आरोपमा आज उनीहरूमाथि मुद्दा चलाएको अख्तियारले जानकारी दिएको छ।

सहसचिव भट्टराई ७ जेठ २०८२ मा विमानस्थलबाटै पक्राउ परेका थिए। उनी त्यतिबेला विमानस्थल अध्यागमन प्रमुखसमेत थिए। अख्तियारले सहसचिव भट्टराईविरुद्ध करिब ७९ लाख र अर्यालविरुद्ध ५ लाख बिगो मागेको छ।

यस प्रकरणमा तत्कालीन गृहमन्त्री रमेश लेखकको नाम पनि जोडिएको थियो। उहाँकै योजना र सेटिङमा सहसचिव भट्टराईलाई एयरपोर्ट पठाइएको र त्यहाँबाट असुलीधन्दा चलेको आरोप लागेको थियो।