एमाले महाधिवेशन : ७ बजेसम्म ११ सय मत खस्यो

काठमाडौं। नेकपा एमालेमा नयाँ नेतृत्व चयनका लागि मतदान भइरहेको छ । बुधबार बिहान सवा ९ बजेबाट शुरू भएको मतदान साँझ सवा ७ बजेसम्म ११ सय प्रतिनिधिले मत हालेका छन् ।

एमालेको केन्द्रीय निर्वाचन आयोगका सचिव कुन्साङ लामाले साँझ ७:१५ बजेसम्म ११ सय मत खसेको जानकारी दिनुभयो। एमाले महाधिवेशनमा २ हजार २ सय ६२ प्रतिनिधि छन् ।

एक जनाका लागि मत हाल्न औसत ३५ मिनेट समय लागेको निर्वाचन आयोगका अर्का एक पदाधिकारीले बताए । १९ पदाधिकारी, ३०१ केन्द्रीय सदस्य तथा अनुशासन आयोग र लेखा आयोगका पदाधिकारीका लागि निर्वाचन भएको हो ।

मंसिर २८ गते शनिबार शुरू भएको एमाले महाधिवेशन नयाँ नेतृत्व चयन गरेर समापन हुनेछ ।

अध्यक्षका लागि केपी शर्मा ओली र ईश्वर पोखरेल चुनावी प्रतिस्पर्धामा छन् ।