गोकर्ण र योगेशले बचाए ईश्वर समूहको साख

काठमाडौं । एमालेको ११ औं महाधिवेशनमा १९ पदाधिकारीहरूका लागि भएको चुनावमा ईश्वर पोखरेल समूहका दुई जनाले मात्र जित्नुभएका छन्।

उपाध्यक्षमा गोकर्ण विष्ट र उपमहासचिवमा योगेश भट्टराईले मात्र जित्नुभएको छ। पदाधिकारीमा पोखरेल समूहका सबै पराजित हुनुभएको छ। पाँच जना उपाध्यक्षमा विष्टले १३६८ मत ल्याएर जित्नभयो।
उपमहासचिवमा भट्टराईले १३४८ मत प्राप्त गर्नभयो।

एमालेमा केपी ओली र ईश्वर पोखरेल समूह प्यानलै बनाएर चुनाव लड्नुभएको थियो। ओली समूहमा करिब एकछत्र भोट खस्दा ईश्वर पोखरेलको समूहबाट दुई जनामात्रै पदाधिकारीमा अटाउनुभयो।