पदाधिकारीमा पृथ्वी सुब्बाको मत ओलीको भन्दा धेरै

काठमाडौँ। एमाले पदाधिकारीमा पृथ्वीसुब्बा गुरुङ लोकप्रिय मतसहित उपाध्यक्षमा निर्वाचित हुनुभएको छ । एमालेमा १९ पदाधिकारीमध्ये उपाध्यक्षमा गुरुङ १ हजार ७ सय ३७ मतसहित विजयी हुनुभएको हो।

पूर्वउपमहासचिवसमेत रहेका उनले पदाधिकारीमध्ये सबैभन्दा बढी मत हासिल गर्नुभएको छ। गुरुङको मत अध्यक्षमा तेस्रो पटक विजयी केपी शर्मा ओलीको भन्दा धेरै छ ।

उहाँले ओलीको भन्दा ७४ बढी मत ल्याउनुभएको छ। अध्यक्षमा विजयी ओलीको १ हजार ६ सय ६३ मत छ । उपाध्यक्षमा गुरुङपछि विष्णुप्रसाद पौडेलको १ हजार ६ सय ७५ र रामबहादुर थापाको १ हजार ५ सय १६ मत आएको छ ।