रविलाई चितवन हुँदै ‍भैरहवा लगिदै

काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेलाई भरतपुर हुँदै भैरहवा ल्याइँदै छ ।

थुनामुक्त प्रक्रियाका लागि रूपन्देही आउन लाग्दा तराईको मौसममा आएको खराबीका कारण भरतपुर हुँदै भैरहवा ल्याउन लागिएको हो ।​

बुटवलस्थित सुप्रिम बचत तथा ऋण सहकारी संस्थाको रकम ठगी र संगठित अपराधको अभियोगमा पुर्पक्षका लागि थुनामा रहेका सभापति लामिछानेलाई बिहीबार उच्च अदालत बुटवल तुलसीपुर इजलासले सर्तसहित थुनामुक्त गर्न आदेश दिएको थियो ।

रास्वपा क्षेत्रीय सभापति मधु अर्यालले विमानमार्फत भरतपुर आउने र त्यसपछि सडक मार्ग हुँदै भैरहवा आउने तयारी भएको जानकारी दिनुभयो।

गौतमबुद्ध अन्तर्राष्ट्रिय विमानस्थल भैरहवामा उडान नहुँदा लामिछाने काठमाडौं मै रोकिनुभएको थियो।

उहाँको स्वागतमा भैरहवामा ठूलो संख्यामा रास्वपा कार्यकर्ता जुटेका छन् ।

ट्रेन्डिङ समाचार