चुनाव धकेले देश दुर्घटनामा : प्रचण्ड

काठमाडौं । नेपाली कम्युनिस्ट पार्टीका संयोजक पुष्पकमल दाहाल प्रचण्डले चुनाव सार्ने, पछि धकेले आफूहरू चुप नबस्ने चेतावनी दिनुभएको छ।

काठमाडौंमा आयोजित सन्देश सभालाई सम्बोधन गर्दै आफूहरूले देशैभरी जनताको महासागर उतारेको जिकिर गर्नुभयो।

उहाँले भन्नुभयो, ‘हामीले देशभर जनताको विशाल उपस्थिति देखाइसकेको छौँ। यसलाई खेलाँची नठानियोस्। यो शक्तिलाई जिस्काएर संविधानसँग फेरि खेलबाड गरियो भने यो शक्ति सडकमा आउनेछ। यो त्यस्तो शक्ति हो जसले हिजो जनयुद्ध गरेर राजसंस्था ढाल्यो।’

आफूहरूले निर्वाचनको तयारी गर्न सरकारलाई सहयोग गरिहरेको बताउनुभयो। उहाँले चुनाव धकेले देश दुर्घटनामा पर्ने भन्दै नेकपा अब रमिते नबन्ने चेतावनी दिनुभयो।