महोत्तरीबाट प्रतिनिधिसभा निर्वाचनका लागि प्रचण्ड सिफारिस

काठमाडौँ । नेपाली कम्युनिस्ट पार्टी(नेकपा)का संयोजक पुष्पकमल दाहाल प्रचण्ड महोत्तरी क्षेत्र नम्बर ४ बाट उम्मेदवार सिफारिस भएका हुनुभएको छ।

मंगलबार बसेको क्षेत्रीय समिति बैठकले आगामी फागुन २१ गते हुने प्रतिनिधिसभा सदस्य निर्वाचनका लागि प्रत्यक्षतर्फ प्रचण्ड र मधेस प्रदेश संसदीय दलको नेता भरत प्रसाद साहको नाम केन्द्रमा सिफारिस गरेको हो।

वर्तमान राजनीतिक परिस्थितिको मूल्याङ्कन गरी जनअपेक्षाको भावनालाई पूरा गर्न सक्ने उम्मेदवारका रूपमा उनीहरूलाई सिफारिस गरिएको बताइएको छ ।

यस्तै समानुपातिकतर्फ ५ जनाको नाम सिफारिस गरिएको छ ।

समानुपातिकतर्फ अरविन्द दास(दलित),महफुज आलम(मुस्लिम),सिता देवी साह(अल्पसंख्यक महिला),नगीना देवी यादव(महिला) र अनिल पाण्डेय (मधेसी खस आर्य) को नाम सिफारिस गरिएको हो ।