रास्वपाको समानुपातिक उम्मेदवार सूचीमा व्यवसायी र सेलिब्रेटी
काठमाडौं। प्रतिनिधि सभा निर्वाचनका लागि राष्ट्रिय स्वतन्त्र पार्टी (रास्वपा) ले निर्वाचन आयोगमा बुझाएको समानुपातिक उम्मेदवार सूचीमा व्यवसायिक परिवार, सेलिब्रिटी र सामाजिक सञ्जालमा भाइरल व्यक्तिहरु रहेको पाइएको छ।
सूचीमा ११० जना उम्मेदवार समावेश छन्, जसमा उद्योग–व्यवसायदेखि मनोरञ्जन क्षेत्रमा परिचित नामहरू भेटिन्छन्। नेपाल उद्योग वाणिज्य महासंघका अध्यक्ष तथा आईएमई समूहका अध्यक्ष चन्द्र ढकालका छोरा सचिन ढकाल सूचीमा छन् भने किरण सुज म्यानुफ्याक्चर्सकी कार्यकारी निर्देशक विदुषी राणा पनि समावेश छन्।
मनोरञ्जन क्षेत्रमा मिस नेपाल २०१९ अनुष्का श्रेष्ठ, गायक तथा टिभी होस्ट आसिफ शाह, मानवअधिकारकर्मी मोहना अन्सारी, र चर्चित गायिका सत्यकला राई र त्रिशला गुरुङ लगायतका अनुहारहरू पनि स्थान पाएका छन्।
दलित प्रतिनिधित्वको क्लस्टरमा पनि स्थापित व्यक्तिहरूको प्रभुत्व छ। १५ जना दलित उम्मेदवारमध्ये डर्माटोलोजिस्ट रुपक विश्वकर्मा घिमिरे पहिलो स्थानमा छन् भने दोस्रो स्थानमा चर्चित कलाकार प्रकाश सपुत छन्। सूचीमा सामाजिक मुद्दामा सक्रिय चिकित्सक रामजी राम, पूर्व विवेकशील साझा पार्टी उपाध्यक्ष प्रकाशचन्द्र परियार लगायतका व्यक्तिहरू पनि छन्। दलित महिलातर्फ टीभी होस्ट, मोडल तथा अभिनेत्री रीमा विश्वकर्मा पहिलो स्थानमा सिफारिस भएकी छन्।
यसरी, रास्वपाको सूचीले राजनीतिक प्रतिनिधित्वको संविधानिक उद्देश्यलाई पूर्णतः पूरा नगरी, व्यवसाय, मनोरञ्जन र चर्चित व्यक्तिहरूको प्रभुत्व प्रकट गरेको छ। सूचीमा पूर्व क्रिकेट कप्तान ज्ञानन्द्र मल्ल पनि सामेल छन्।
ताजा अपडेट
ट्रेन्डिङ
सम्बन्धित समाचार
बालेनले पनि गर्नुभयो मतदान
काठमाडौँ( राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाहले मतदान गर्नुभएको छ। सिनामंगलस्थित अन्नपूर्ण इङ्लिस स्कुलमा रहेको मतदान केन्द्रबाट...
रविले गर्नुभयो मतदान
काठमाडौँ। राष्ट्रिय स्वतन्त्र पार्टी ९रास्वपा०का सभापति रवि लामिछानेले मतदान गर्नुभएको छ । उहाँले काठमाडौँ–३ को उपत्यका खानेपानी लिमिटेडको महाँकालचौरमा रहेको...
निर्वाचन विरोधी गतिविधिमा संलग्न १९५ पक्राउ, १०३ छुटे
काठमाडौं। निर्वाचन विरोधी गतिविधिमा संलग्न रहेको आरोपमा १९५ जनालाई प्रहरीले पक्राउ गरेको छ। पक्राउ गरिएकामध्ये १०३ जनालाई छाडिएको प्रहरी...
महोत्तरी ३ का स्वतन्त्र उम्मेदवारमाथि कुटपिट
काठमाडौं। महोत्तरी निर्वाचन क्षेत्र नम्बर ३ का स्वतन्त्र उम्मेदवार रामआधार कापरमाथि कुटपिट भएको छ। जिल्ला प्रहरी कार्यालयका प्रहरी उपरीक्षक...




