जेनजी मिरज ढुंगाना समूहसँग वार्ता गर्दै बालेन

काठमाडौं। काठमाडौं महानगरपालिकाका मेयर बालेन शाहले जेनजी अभियान्ता मिरज ढुंगानासहितको समूहसँग वार्ता गर्नुभएको छ।

भाद्र २३ र २४ गतेको आन्दोलनको नेतृत्व गरेका विभिन्न समूहरुलाई पनि आगामी फागुन २१ को चुनावमा संगै लैजाने भन्दै बालेनको अग्रसरतामा थापाथलीमा वार्ता भइरहेको हो।

हालै राष्ट्रिय स्वतन्त्र पार्ट, उज्यालो नेपाल पार्टीसँग मिलेका बालेन यस प्रक्रियामा छुटेका जेनजीहरुलाई समेट्ने प्रयासमा वार्ता गरिरहेको स्रोतले जानकारी दिएको छ।

निर्वाचन आयोगमा समानुपातिक सूची हेरफेर गरेरै भएपनि असन्तुष्ट समुहलाई मिलाउने बालेनको चाहनाअनुसार वार्ता भइरहेको बताइएको छ।

पछिल्लो समय निकोलास भूषाल र ढुंगानको समुहले वर्तामान सरकारबिरुद्ध विभिन्न कार्यक्रम गर्दै आएका छन्।

उनीहरुले सरकार चुनाव मात्रै केन्द्रित भएको र वास्तविक जेनजीको माग सम्बोधन नगरेको भन्दै असन्तुष्टि व्यक्त गरिरहेका छन्।