शाहरुखकी छोरी सुहानाले आज २२ औँ जन्मदिन मनाउँदै, ‘द आर्चीज’ बाट डेब्यु गर्दै बलिउडमा

काठमाडौं । बलिउडका सुपरस्टार अभिनेता शाहरुख खानकी छोरी सुहाना खानले आइतबार २२ औं जन्मदिन मनाइरहेकी छन् ।सुहानालाई जन्मदिनको अवसरमा अवसरमा बलिउडका थुपै कलाकारले शुभकामना दिएकी छन् ।

उनलाई जन्मदिनको अवसरमा करण जौहरदेखि फराह खानसम्म बलिउडका थुप्रै व्यक्तिले शुभकामना दिइरहेका छन् । उनकी आमा गौरी खान र मिल्ने साथी अनन्या पाण्डेले पनि सामाजिक संजालमा सुहानाको तस्बिर शेयर गर्दै जन्मदिनको शुभकामना दिएका छन् ।

गौरीले सुहानाको एक तस्बिर शेयर गर्दै लखेकी छन्, ‘बर्थडे गर्ल’ । गौरीको पोष्टमा मनीष मल्होत्रा, नेहा धुपिया, फराह खान, करण जौहर, श्वेता बच्चन र संजय कपुर लगायतले पनि सुहानालाई जन्मदिनको शुभकामना व्यक्त गरेका छन् । अनन्य पाण्डेले सुहानको साथ रहेको एक तस्बिर पोष्ट गर्दै भनेकी छन् ‘मेरो सबैभन्दा राम्रो साथीलाई मनैदेखि जन्मदिनको बधाई ।’

अनन्याले सुहानासँगको केटाकेटीबेलाको एक तस्बिर समेत शेयर गरेकी छन् । अनन्या र सुहाना सानैदेखिका साथी हुन् । सुहाना छिट्दै बलिउड डेब्यु गर्दैछिन् । उनी जोया अख्तरको फिल्म ‘द आर्चीज’मा देखिन लागेकी हुन् ।