कांग्रेस महाधिवेशन वैशाखमा गर्न प्रस्ताव

काठमाडौं । नेपाली कांग्रेसका कार्यवाहक सभापति पूर्णबहादुर खड्काले आगामी २०८३ वैशाखको २८ देखि ३१ गतेसम्म १५ औं महाधिवेशन गर्न प्रस्ताव गरेका छन् ।

शुक्रवार बसेको केन्द्रीय कार्यसम्पादन समिति बैठकमा संस्थापन पक्षले वैशाख अन्तिमका लागि नयाँ कार्यतालिका प्रस्ताव गरेको हो ।यसअघि पुस २७ देखि गर्ने भनिएको महाधिवेशनको तालिका प्रभावित भएसँगै संस्थापन पक्षले महाधिवेशनको नयाँ कार्यतालिका पेश गरेको हो ।

महामन्त्री गगन थापा र विश्वप्रकाश शर्माले भने अब विशेष महाधिवेशन गर्नुपर्ने प्रस्ताव गरेका छन् ।

महामन्त्रीद्वयले यही पुस २७ र २८ गते विशेष महाधिवेशन गर्ने भन्दै भृकुटीमण्डपमा हल बूक समेत गरिसकेका छन् ।

महामन्त्रीद्वयले हल बूकिङ गरेपछिको परिस्थितिबारे छलफल गर्न कांग्रेस बैठक बसेको हो ।

कार्यसम्पादन समितिको बैठकअघि कार्यवाहक सभापति खड्काले सभापति शेरबहादुर देउवासँग छलफल गर्नुुभयो।

सभापतिसँगको छलफलका आधारमा नयाँ मिति प्रस्ताव गरिएको खड्काले बताउनुभयो ।

हेर्नुहोस्, प्रस्तावित कार्यतालिका :