अध्यक्षका उम्मेदवार लक्ष्मण पौडेलका यस्ता छन् एजेन्डा

काठमाडौं। नेपाल शैक्षिक परामर्श संघ (इक्यान)को अध्यक्षमा लक्ष्मण पौडेल (एन्ड्रयु)ले उम्मेदवारी घोषणा गर्नुभएको छ।   हाल इक्यानको प्रथम उपाध्यक्ष रहनुभएका पौडेलले इक्यानलाई बलियो बनाउनका लागि आफू लागिपर्ने प्रतिबद्धता व्यक्त गर्नुभएको छ।

उम्मेदवारी घोषणासँगै उहाँले भिडियो मार्फत पाँच एजेन्डा प्रस्तुत गर्नुभएको छ।

यस्ता छन् एन्ड्रयुका पाँच एजेन्डा

 A (Advocacy & Accountability) अन्तर्गत इक्यानलाई नीतिगत वकालतमा सशक्त बनाउँदै संस्थाभित्र पारदर्शिता र जबाफदेहिता सुनिश्चित गरिनेछ।

B (Brotherhood, Business & Branding) मार्फत सदस्यहरूबिच भाइचारा मजबुत बनाइ व्यावसायिक वृद्धि र संस्थाको प्रभावकारी प्रचार–प्रसारमा जोड दिइने छ।

C (Comprehensive & Constructive) ले इक्यानलाई बृहत् र रचनात्मक संस्थाका रूपमा विकास गर्ने लक्ष्य राखिएको छ।

D (Diplomacy & Dominance) अन्तर्गत राष्ट्रिय तथा अन्तर्राष्ट्रिय तहमा कूटनीतिक सम्बन्ध विस्तार गर्दै इक्यानको प्रभाव र प्रभुत्व स्थापित गरिने छ।

E (Empowerment) मार्फत सदस्य परामर्श व्यवसायीहरूलाई क्षमता अभिवृद्धि, तालिम र अवसरमार्फत सशक्त बनाइने छ।

सो भिडियोमा उहाँले इक्यानलाई साझा, बलियो र नतिजामुखी संस्था बनाउने लक्ष्यसहित यी एजेन्डा अघि सारेको उल्लेख गर्दै आगामी निर्वाचनमा साथ दिन सबै सदस्यसँग अपिल समेत गर्नुभएको छ।

यही पुस २८ गते काठमाडौंमा हुने  २०औं साधारणसभाबाट इक्यानको नयाँ कार्यसमिति निर्वाचित गर्नेछ ।