ब्युँतियो उज्यालो नेपाल, अध्यक्षमा कुलमान

काठमाडौं । राष्ट्रिय स्वतन्त पार्टी (रास्वपा)सँग एकता भंग भएपछि कुलमान घिसिङ उज्यालो नेपालको पार्टी अध्यक्ष बन्नुभएको छ।

रास्वपासँग कुरा नमिलेपछि पार्टीका संरक्षक रहेका कुलमानले नेतृत्व आफैँ लिनुभएको हो। त्यसबारे जानकारी दिनको लागि उज्यालो नेपाल पार्टीले साँझ ६ बजे पत्रकार सम्मेलन राखेको छ।

उज्यालोको तर्फबाट अघि सारिएका केही मागहरू पूरा गर्न नसकिने भन्दै रास्वपाले एकता टुटेको घोषणा गरेको थियो। रास्वपाको आकस्मिक सचिवालय बैठक अहिले जारी छ।

केहीदिनअघि मात्रै रास्वपासँग कुलमानको पार्टी उज्यालो नेपालले एकता गरेको थियो। तर भागबन्डामा दुईपक्ष नमिलेपछि एकता नभएको हो।