ईक्यानमा भुषाल टिमको औपचारिक उम्मेदवारी घोषणा

काठमाडौं। नेपाल शैक्षिक परामर्श संघ (ECAN) को आगामी निर्वाचनका लागि दिपकराज भुसाल समूहले उम्मेदवारी घोषणा गरेको छ।

यही पुस २८ गते हुने संघको साधरण सभामा हुने निर्वाचनका लागि २२ गते नै उम्मेदवारी दर्ता भइसकेको छ।

उम्मेदवारी दर्ता हुनुअगावै ‍भुषाल टिमको तर्फबाट सबै पदमा उम्मेदवारी परेको थियोे। शनिबार उक्त टिमले एक कार्यक्रम नै गरेर उम्मेदवारी घोषणा गरेका हुन्।
भूषाल टिमले ‘सबल ECAN, सक्षम नेतृत्व र सदस्य–मैत्री संस्था निर्माणको साझा अभियान´ भन्ने नारासहित २०२६ का २६ प्रतिबद्धता उक्त समुहले व्यक्त गरेको छ।

घोषणा कार्यक्रममा अध्यक्षका उम्मेदवार दिपकराज भुषालले सबै उम्मेदवारलाई उपस्थित ईक्यानका सदस्यहरुबीच परिचय गराउनुभएको थियो।
भुषाल टिमबाट उपाध्यक्षमा विकलराज पोखरेल, मञ्जित ढकाल र रत्न बहादुर भट्टराई उम्मेदवार बन्नुभएको छ।
त्यसैगरी महासचिवमा भवनाथ हुमगाईं, दुई सचिवमा आषिक कार्की र सुरज सिलवालले उम्मेदवारी दिनुभएको छ।
त्यस्त‌ै सो टिमको कोषाध्यक्षमा उमा खड्का पाठक, सह कोषाध्यक्षमा गोविन्द खनाल उम्मेदवार हुनुभएको छ।
त्यसैगरी आठ जना सदस्यमा क्रमश: अनन्तराज घिमिरे, अशोक कुमार हाथी, बसन्त पाण्डे, दामोदर शर्मा, कमल तिम्सिना, नवराज नेपाल, सञ्जीव पाण्डे, उद्दव बन र विवेक बस्नेत उम्मेदवार रहनुभएको छ।

सो क्रममा भुषालले भन्नुभयो, `हाम्रो समूहले २०२६ को आगमसँगै २६ एजेन्डाहरु यहाँहरु बीच प्रस्तुत गरेका छौं। ती एजेन्डा कार्यान्वयन म पूरा समय ईक्यानलाई दिन्छु। २४ घण्टा काम गर्नेछु।´
उहाँले आफ्नो समूहले अगाडि सारेका एजेन्डा राम्रोसँग अध्ययन गरेर राइट म्यान, नि राइट प्लेस´ हुनेगरी मतदान गरिदिनुहुन अनुरोध गर्नुभयो।
अर्कोतर्फ एन्ड्रयु पौडेल `लक्ष्मण´को नेतृत्वमा अर्को टिमले उम्मेदवारी दिनुभएको छ।