सुनको भाउ हालसम्मकै उच्च विन्दुमा

काठमाडौँ। नेपाली बजारमा सुनको मूल्य आज हालसम्मकै उच्च विन्दुमा पुगेको हो। यसअघि गत पुस १३ गते पनि हालसम्मकै उच्च मूल्यमा सुनको कारोबार भएको थियो।

उक्त दिन सुन प्रतितोला दुई लाख ७० हजार ६ सय रूपैयाँमा कारोबार भएको थियो। नेपाल सुनचाँदी व्यवसायी महासंघका अनुसार आज पनि सुन प्रतितोला दुई लाख ७० हजार ६ सय रूपैयाँ पुगेको छ।

शुक्रबार भने सुन प्रतितोला दुई लाख ६७ हजार आठ सय रूपैयाँमा किनबेच भएको थियो। यो मूल्य शुक्रबारको तुलनामा प्रतितोला दुई हजार आठ सय रूपैयाँ बढी हो। आइतबार चाँदीको मूल्य पनि हालसम्मकै उच्च विन्दुमा पुगेको छ। शुक्रबार तोलामा चार हजार सात सय ८० रूपैयाँमा कारोबार भएको चाँदी आइतबार चार हजार नौ सय ९० रूपैयाँमा कारोबार भइरहेको छ।

यो मूल्य अघिल्लो दिनको तुलनामा प्रतितोला दुई सय १० रूपैयाँ बढेको हो। अन्तर्राष्ट्रिय बजारमा आज सुन प्रतिऔंस ४ हजार पाँच सय १० अमेरिकी डलरमा कारोबार भइरहेको छ।