गगन-विश्वलाई संस्थापनको आग्रह ; लचकता अपनाउनुस्

काठमाडौँ। नेपाली कांग्रेसका प्रवक्ता डा. प्रकाशशरण महतले आफूहरूले पार्टी एकताबद्ध भएर जाओस् भन्ने चाहेको बताउनुभएको छ।

मंगलवार केन्द्रीय समिति बैठकअघि सञ्चारकर्मीसँग कुरा गर्दै उहाँले यस्तो बताउनुभएको हो।

उहाँले संस्थापन पक्षले पार्टीलाई एकताबद्ध बनाउन निकै लचकताका साथ संवाद गरिरहेको उल्लेख गर्दै पार्टी नेतृत्वको कारण पार्टी विभाजित नहुने स्पष्ट पार्नुभएको छ।

उहाँले काठमाडौँमा जारी दोस्रो महाधिवेशन पार्टी र मुलुकको हितमा नरहेको टिप्पणी पनि गर्नुभयो।

उहाँले पार्टी एकतालाई जोगाइराख्न विशेष महाधिवेशन पक्षधरलाई लचकता अपनाउन अपिलसमेत गर्नुभयो।