गगन थापा नेतृत्वको कांग्रेसले दियो विशेष महाधिवेशनको निर्णय अध्यावधिकका लागि निवेदन

काठमाडौं । गगन थापा नेतृत्वको कांग्रेसले विशेष महाधिवेशनपछि थापा नेतृत्वको कांग्रेसले आफूहरू आधिकारिक रहेको भन्दै निर्वाचन आयोगमा पार्टीको विवरण अध्वावधिकका लागि निर्वाचन आयोगमा निवेदन दिएको छ।

महाधिवेशनबाट थापालाई सभापति चयन गरेपछि बिहीबार बसेको थापा नेतृत्वको पहिलो केन्द्रीय समितिको बैठकले पार्टीको विवरण आयोगमा अध्यावधिकका लागि निवेदन दिने निर्णय गरेको थियो । सोहीअनुसार थापासहितका पदाधिकारी र कानुनविज्ञ आयोग पुगेर निवेदन दिनुभएको हो।

त्यसैगरी २१ फागुनमा हुने प्रतिनिधिसभा निर्वाचनअन्तर्गत प्रत्यक्षतर्फ नेपाली कांग्रेसका उम्मेदवारको मनोनयन–पत्रमा आधिकारिक हस्ताक्षर परिवर्तन गर्न पनि आयोगमा निवेदन परेको छ । देउवाको स्थानमा सभापति थापाको हस्ताक्षरबाट मनोनयन पत्र जारी गरिने भन्दै निवेदन पेस दिएको हो ।

यसअघि नेपाली कांग्रेसका सभापति शेरबहादुर देउवाको हस्ताक्षर भएको मनोनयन पत्र मात्र स्वीकार हुने गरी आयोगमा निवेदन परेको थियो । सोही आधारमा आयोगले समानुपातिकतर्फका उम्मेदवारको बन्दसूची तथा राष्ट्रिय सभा निर्वाचनका उम्मेदवारको नाम स्वीकार गरिसकेको छ ।