झलनाथ खनाल बागलुङ २ मा चुनाव लड्ने

काठमाडौं । नेपाली कम्युनिष्ट पार्टीका नेता झलनाथ खनाल बागलुङ–२ बाट प्रतिनिधिसभा सदस्यका लागि चुनावी प्रतिष्पर्धाको तयारीमा जुट्नुभएको छ। यसअघि इलाम क्षेत्र नम्बर १ बाट पटक–पटक निर्वाचित भएका खनाल राष्ट्रिय राजनीतिमा स्थापित हुँदै प्रधानमन्त्री समेत बन्नुभएको छ।

इलाम–१ बाटै उहाँ २०५६ र २०७९ सालको निर्वाचनमा भने पराजित भोग्नुभएको थियो। नेपाली कम्युनिष्ट पार्टीले नै निर्णय गरेर खनाललाई बाग्लुङ पठाउन लागेको हो ।

उहाँले भन्नुभयो,“मैले राजनीतिको बिजारोपण नै बाग्लुङबाट गरेको हो । सक्रिय रुपमा सहभागी भएको थिएँ । युवा, शिक्षक, किसान सबैमा मैले त्यसबेला राजनीति चेत खुलाएको थिएँ ।”