एमालेमा उम्मेद्वार चयनप्रति असन्तुष्टि, योगश भट्टराईको नो अफ डिसेन्ट

नेकपा एमालेका उमहासचिव योगेश भट्टराईले पार्टी केन्द्रीय कार्यालयमा नोट अफ डिसेन्ट (लिखित असहमति) दर्ता गराउनुभएको छ।

गत शनिबार बसेको सचिवालय बैठकमा टिकट वितरणमा गरिएको भन्दै उहाँले निर्णयमा नोट अफ डिसेन्ट राख्नुभएको हो।

नोट अफ डिसेन्टमा भट्टराईले यसअघि निर्वाचन जितेका अनुहारलाई प्राथमिकता दिनुपर्ने, तलका जनप्रतिनिधिहरूलाई कार्यकाल छँदै माथि उम्मेदवार बनाउने कुरा रोक्नुपर्ने उल्लेख गर्नुभएको हो।

एमालेले मधेस, बागमती लगायत प्रदेश सभामा निर्वाचित सांसदहरूलाई राजीनामा दिन लगाएर उम्मेदवार बनाउने भएको छ। मधेस प्रदेश सभामा चार जना र बागमतीमा दुई जना हाराहारी प्रदेश सभा सदस्य राजीनामा दिएर संघीय सांसद लड्ने तयारीमा हुनुुहुन्छ।

‘तल जितेका जनप्रतिनिधिलाई राजीनामा दिएर उम्मेदवार बनाइनु गलत अभ्यास हो। एक त उहाँहरूको कार्यकाल, जिम्मेवारी, पार्टीको प्रतिबद्धता बाँकी नै छ, अर्को त्यहाँ उपचुनाव गर्नुपर्ने हुन्छ,’ भट्टराईले सचिवालय बैठकमा भनेका थिए। आज दर्ता गरिएको नोट अफ डिसेन्टमा पनि उनले यिनै कुरा उल्लेख गर्नुभएको छ।