भ्रामक समाचारबाट बच्न आयोगको आग्रह

काठमाडौं ।निर्वाचन आयोगले भ्रामक समाचारबाट बच्न सबैलाई आग्रह गरेको छ। आयोगले निर्वाचन अवधिमा सामाजिक सञ्चालबाट प्रवाह हुन सक्ने भ्रामक समाचारबाट बच्न आग्रह गरेको हो।

आधिकारिक स्रोतलाई मात्र विश्वास गर्न आयोगले आग्रह गरेको छ।

आयोगले भनेको छ, ‘आफ्नो निहित फाइदाका लागि अनधिकृत सूचना/जानकारी सम्प्रेषण एवं प्रकाशन गर्नु नै भ्रामक समाचार हो। यस्ता सामग्री विशेष गरेर सामाजिक सञ्जालमार्फत फैलाउने गरिन्छ। यस प्रकारका समाचार कुनै व्यक्ति, निकाय, दललाई हानि पुऱ्याउने मनसायले नियतवश प्रकाशित गरिन्छ। निर्वाचन अवधिमा सामाजिक सञ्जालबाट प्रवाह हुन सक्ने यस्ता भ्रामक समाचारबाट बचौं।’