अमेरिकाद्वारा पूर्वी प्रशान्त महासागरमा लागुऔषध तस्करीमा संलग्न डुङ्गामाथि आक्रमण, दुई जनाको मृत्यु

अमेरिकी सेनाले शुक्रवार पूर्वी प्रशान्त महासागरमा लागुऔषध तस्करीको आशंका गरिएको एउटा डुङ्गामाथि आक्रमण गरेको छ । जनवरी ३ मा भेनेजुएलामा गरिएको अमेरिकी छापापछिको यो यस प्रकारको पहिलो ज्ञात आक्रमण हो ।

अमेरिकी दक्षिणी कमान्डले सामाजिक सञ्जाल एक्समार्फत जानकारी दिएअनुसार पछिल्लो आक्रमणमा दुई जनाको मृत्यु भएको छ भने एक जना बाँच्न सफल भएका छन् । कमान्डले गुप्तचरी सूचनाले उक्त जलयान पूर्वी प्रशान्त क्षेत्रमा परिचित लागुऔषध ओसारपसार मार्ग हुँदै यात्रा गरिरहेको र लागुऔषध तस्करी गतिविधिमा संलग्न रहेको पुष्टि गरेको जनाएको छ ।

पेन्टागनले गत सेप्टेम्बरदेखि क्यारिबियन र पूर्वी प्रशान्त क्षेत्रमा लागुऔषध तस्करीमा संलग्न ३० भन्दा बढी डुङ्गाहरू डुबाइसकेको छ । जसमा ११० भन्दा बढी मानिसको मृत्यु भएको छ ।