काठमाडौंमा बालेन

काठमाडौं। राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह पूर्वी नेपालको अभियानकै बीचमा काठमाडौँ आउनुभएको छ । झापा निर्वाचन क्षेत्र नम्बर ५ का उम्मेदवार समेत रहेका उनी शनिबार काठमाडौँ आउनुभएको हो।

माघ ५ गते मधेस प्रदेशको राजधानी जनकपुरबाट अभियान सुरु गरेका शाह त्यसपछि झापा पुग्नुभएको थियो। झापामा माघ ६ गते उम्मेदवारी मनोनयन दर्ता गराएपछि उहाँ प्रदेशका पहाडी जिल्लाको भ्रमणमा निस्किनुभएको थियो।

भ्रमणका क्रममा शाहले इलाम, पाँचथर, तेह्रथुम, ताप्लेजुङ, संखुवासभा र धनकुटाका मतदातासँग प्रत्यक्ष भेटघाट गर्नुभएको थियो।

कोशी प्रदेशमा रहँदा उनले औपचारिक सभा वा भाषण नगरी जनतासँग सीधा संवादमा जोड दिनुभएको थियो।

केही दिनमा उनी फेरि चुनावी अभियानमै निस्कनुहुनेछ। उहाँलाई फागुन २१ को निर्वाचनमा रास्वपाबाट प्रधानमन्त्रीको उम्मेदवारका रुपमा अघि सारिएको छ।