मङ्गोलियामा ऊँट महोत्सवको आयोजनाः पर्यटन र संस्कृतिको संरक्षणमा जोड

पर्यटन प्रवद्र्धन गर्न र ऊँट संस्कृतिलाई आगामी पुस्तामा हस्तान्तरण गर्ने उद्देश्यले मङ्गोलियाको दक्षिणी प्रान्त दुन्दगोभीमा ऊँट महोत्सव आयोजना गरिएको छ।

मङ्गोलियाली राष्ट्रपति उखना खुरेलसुखको संरक्षणमा संस्कृति, खेलकुद, पर्यटन र युवा मन्त्रालय, खाद्य, कृषि तथा हल्का उद्योग मन्त्रालय र प्रादेशिक गभर्नरको कार्यालयद्वारा यो महोत्सव आयोजना गरिएको हो । यस फिरन्ते देशका सयौँ ऊँट गोठालाहरू र ऊँटहरूले प्रादेशिक राजधानी मण्डलगोभीमा आयोजित दुई दिने महोत्सवमा सहभागिता जनाएका थिए ।

महोत्सवमा ऊँट दौड, ऊँट पोलो, ऊँट परेड, ऊँट रिले दौड र ऊँटजन्य उत्पादनहरूको प्रदर्शनी समावेश गरिएको छ । पशुधन गणना अनुसार सन् २०२५ मा मङ्गोलियामा ऊँटको संख्या ५ लाख १ हजार भन्दा बढी पुगेको छ । दुन्दगोभी यस एसियाली देशको दक्षिणमा, राजधानी उलान बाटोरबाट करिव २४० किलोमिटर टाढा अवस्थित छ ।