बालेनका समर्थकहरू चढेको गाडी नेपालगन्जमा दुर्घटना, केही घाइते

काठमाडौं । राष्ट्रिय स्वतन्त्र पार्टी (रास्वपा)का वरिष्ठ नेता बालेन शाहका समर्थकहरू बाँकेको नेपालगञ्जस्थित राँझा विमानस्थलनसँगैको सडकमा गाडीबाट खस्नुभएको छ।

बालेन नेपालगञ्ज जाने भएसँगै उहाँका समर्थकहरू विमानस्थल पुग्नुभएको हो। समर्थकको गाडीमा चढेका केही व्यक्ति गाडीको पछाडिको ढालाबाट खसेको जिल्ला प्रहरी कार्यालय बाँकेका एसपी अंगुर जिसीले बताउनुभयो ।

‘४/५ जना समर्थकहरु गाडीबाट खसेको भन्ने आएको छ । विमानस्थलभित्रैको सडक भएकाले गाडी स्पिडमा नभएको हुँदा सामान्य घाइते भएको भन्ने जानकारी आएको छ’ एसपी जिसीले भन्नुभयो। २१ फागुनमा हुने प्रतिनिधिसभाको चुनावमा बालेन रास्वपाबाट प्रधानमन्त्रीको उम्मेदवारसमेत बन्नुभएको छ।

उहाँले चुनावी प्रचार-प्रसारका लागि अहिले पश्चिततर्फ जानुभएको छ। बालेन भने झापा ५ बाट चुनाव लड्दै हुनुहुन्छ।