इरानमाथि आक्रमण भए हिजबुल्लाह सक्रिय हुने चेतावनी, लेबनानमा इजरायली हमलामा पत्रकारको मृत्यु

हिजबुल्लाहका नेता शेख नइम कासिमले सोमवार इजरायल वा संयुक्त राज्य अमेरिकाले इरानमाथि सैन्य आक्रमण गरेमा आफ्नो समूह तटस्थ नबस्ने चेतावनी दिनुभएको छ ।

अल–मनार स्थानीय टिभी च्यानलमार्फत सम्बोधन गर्दै उनले इरानलाई निशाना बनाइने कुनैपनि युद्धले पूरै क्षेत्रलाई आगोको चपेटामा पार्न सक्ने बताउनु भयो ।

यसैबीच, दक्षिण लेबनानको टायर शहरमा इजरायली सेनाले गरेको आक्रमणमा अल–मनार टिभीका प्रस्तोता शेख अली नुरुद्दिनको मृत्यु भएको छ भने अन्य दुई जना घाइते भएका छन् । इजरायली सेनाले यो आक्रमण नोभेम्बर २७ मा लागू भएको युद्धविराम सम्झौताको उल्लंघनको जवाफ भएको दाबी गरेको छ । युद्धविरामका बावजुद इजरायली सेनाले लेबनानमा छिटपुट आक्रमणहरू जारी राखेको छ ।