जिके र एलिनाको स्वरमा ‘इन्दिरा’ बोलको गीत सार्वजनिक

काठमाडौँ। जिके पोख्रेलको शब्द र संगीतमा ‘इन्दिरा’ बोलको गीत सार्वजनिक भएको छ। नृत्यप्रधान गीतमा एलिना चौहान र  पोख्रेलको स्वर छ। म्युजिक नेपालमा रेकर्ड गरिएको गीतको रेकर्डिङ नकुल कार्की र अनिल अधिकारीले गरेका हुन्। प्रकाश खरेलले संगीत संयोजन र मिक्सिङ/मास्टरिङ गरेको गीत म्युजिक नेपालकै युट्युब च्यानलबाट सार्वजनिक गरिएको हो।

कोरियोग्राफीमा जमेका राजाराम सिम्खडाकाे नृत्य निर्देशनमा बनेकाे गीतकाे भिडियाे राेमान्टिक बनेकाे छ। भिडियोमा सर्वाधिक रुचाइएका माेडलद्वय विमल अधिकारी र स्मारिका ढकालले अभिनय गरेका छन्।

गीता भुसाल र बाबुराम काफ्ले निर्माण गरेकाे भिडियोको निर्देशक नरेन्द्रराज भट्टराई हुन्।