सिरहामा खेतमा काम गरिरहेका युवकको गोली हानेर हत्या

सिरहा। सिरहामा आफ्नै खेतमा काम गरिरहेका वेला गोली हानेर सिरहा नगरपालिका–१ का ४५ वर्षीय प्रेमनाथ यादवको हत्या गरिएको छ।

आज अपराह्न २ बजेतिर अज्ञात व्यक्तिले चलाएको गोलीबाट उनको घटनास्थलमै मृत्यु भएको र गोली छातीमा लागेको पाइएको सिरहाका प्रहरी प्रवक्ता, प्रहरी नायब उपरीक्षक रमेशबहादुर पालले जानकारी दिनुभयो।

उनीमाथि माटो बेच्नका लागि खेतमा ट्याक्टरले जोतिरहेका वेला गोली लागेको बताइएको छ। विस्तृत विवरण आउन बाँकी रहेको प्रहरीले जनाएको छ।