ह्वात्तै घट्यो सुनको भाउ

काठमाडौँ। हरेक दिन महँगो मूल्यको कीर्तिमान बनाउँदै आएको सुनचाँदीको भाउ फेरि लगातार घट्न थालेको छ। सुनको भाउ आज तोलामा १८ हजार आठसय रुपैयाँले घटेको नेपाल सुनचाँदी व्यवसायी महासंघले जनाएको छ। मूल्य घटेर सुनको भाउ आज तोलाको तीन लाख रुपैयाँमा झरेको छ।

गएको शुक्रबार सुनको भाउ तोलाको २० हजार पाँचसय रुपैयाँ घटेर तीन लाख १८ हजार आठसय रुपैयाँमा झरेको थियो। बिहीबार भने सुनको मूल्य तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। सुनको यो भाउ हालसम्मकै सबैभन्दा महँगो हो। गएको बुधबार सुनको भाउ प्रतितोला नौहजार पाँचसय रुपैयाँ बढेर तीन लाख १८ हजार आठसय रुपैयाँ पुगेको थियो।

गएको एक सातामा सुनको भाउ तोलामा ५७ हजार पाँचसय रुपैयाँ बढेर फेरि उच्चदरमै घट्न थालेको हो। आज चाँदीको भाउमा पनि व्यापक मात्रामा गिरावट आएको छ। तोलामा १५ सय ६५ रुपैयाँ घटेर चाँदीको भाउ आज तोलाको पाँच हजार पाँचसय रुपैयाँमा झरेको छ। गएको शुक्रबार चाँदीको भाउ सात हजार ६५ रुपैयाँ थियो। बिहीबार चाँदीको भाउ सात हजार ५०५ रुपैयाँ पुगेको थियो। यो चाँदीको अहिलेसम्मकै उच्च मूल्य हो।