स्वास्थ्य व्यवसायी परिषद्को १७ औँ लाइसेन्स परीक्षामा ६७.३१ प्रतिशत उत्तीर्ण

काठमाडौं। नेपाल स्वास्थ्य व्यवसायी परिषद्को १७ औँ लाइसेन्स परीक्षामा ६७.३१ प्रतिशत उत्तीर्ण भएका भएका छन्।

परिषद्ले फागुन ५ गतेखि ८ गतेसम्म बबरमहलस्थित एड्भान्स एजुकेशन एण्ड इनोभेटिभ रिसर्च सेन्टरमा सञ्चालन गरेको परीक्षामा ६७.३१ प्रतिशत उत्तीर्ण भएका हुन्।

विभिन्न ४४ विषयमा लिइएको परीक्षामा कुल ४ हजार ४४७० जना सहभागी थिए। तीमध्ये ३ हजार ९ जना ( ६७.३१ प्रतिशत) उत्तीर्ण भएका हुन्। चार दिनमा १५ सिफ्टमा परीक्षा सम्पन्न भएको थियो।

एउटा विषयमा कम्तिमा एकजना देखि बढीमा २ हजार २६३ जनासम्म सहभागी थिए। यसपटकको परीक्षामा धेरै विद्यार्थीहरु विश्वविद्यालय तहको अध्ययनमा भर्खरै उत्तीर्ण भई पहिलोपटक सहभागिता जनाएका कारण नतिजा राम्रो भएको परिषद्ले जनाएको छ।