प्रचण्डले धकेले महाधिवेशन, एकताका लागि वार्ता समितिको टेको

काठमाडौँ। नेकपा माओवादी केन्द्रले तत्काल महाधिवेशन नगर्ने भएको छ। अध्ययक्ष पुष्पकमल दाहाल प्रचण्डले एक वर्षभित्र महाधिवेशन गर्ने भन्दै मिति नै नतोकी केन्द्रीय समिति बैठक सकेका छन्।

उनले यसअघि यही सम्पन्न केन्द्रीय समितिबाट महाधिवेशनको मिति तोक्ने बताएका थिए। उनले आगामी असारमा बस्ने केन्द्रीय समिति बैठकले आगामी महाधिवेशनको मिति तोक्ने बैठकमा बताए।

माओवादी केन्द्रले विचार मिल्ने पार्टीसित एकताको तयारी गर्न ‘उच्चस्तरीय पार्टी एकता संवाद समिति’ गठन गरेको छ। केन्द्रीय समिति बैठकले सो निर्णय गरेको हो । बैठक समापन समारोहलाई सम्बोधन गर्दै प्रचण्डले चाँडै एकता वार्ताको पहल गर्ने बताए।

समितिमार्फत विप्लव नेतृत्वको नेकपा, नेसपाको एक समूहसहित सबै विचार मिल्ने पार्टी तथा समूहसँग वार्ता गरेर एकतामा ल्याउन पहल गर्ने बताइएको छ ।