रीता थापामाथि ज्योति मगरको प्रश्न : ‘म त ढले ढले’ राम्रो भए ‘बिस्ताराले पुल्यो’ कसरी संस्कृति भड्काउने?

काठमाडौँ। गायिका ज्योति मगर विभिन्न कारण चर्चामा आइरहन्छिन्। कहिले पहिरनका कारण त कहिले बोलीका कारण उनी चर्चामा आउने गरेकी छन्। स्टेजमा प्रफरमेन्स गर्दा उनले गर्ने क्रियाकलापले पनि ज्योतिलाई चर्चामा ल्याउने गरेको छ। ज्योति सामाजिक सन्जालमा पनि छाइरन्छिन्।

उनी कुनै विषयमा तीखो प्रहार गर्ने गरेकी छन्। पछिल्लो समय उनले लोकदोहोरी गीत प्रतिष्ठाकी अध्यक्ष रीता थापा मगरलाई सामाजिक सन्जालमा प्रश्न उठाएकी छन्।

उनले मगरलाई ‘म त ढले ढले’ गीतको सक्सेस पार्टीमा सहभागी जनाएको विषयमा प्रश्न खडा गरेकी हुन्। उनले हिजोका दिनमा ‘काले के के बोल्यो मलाई बिस्ताराले पुल्यो’ गीतलाई संस्कृति भड्काउने गीत भन्दै उफ्रने लोक तथा दोहोरी गीत प्रतिष्ठान सक्सेस पार्टीमा केक काट्नुलाई तपाई के भन्नु हुन्छ? भन्दै प्रश्न उठाएकी हुन्।

बिहीबार ‘म त ढले ढले’ गीत युट्युबमा ५ करोड भिउज पुगेको उपलक्षमा निर्माण टिमले आयोजना गरेको सक्सेस पार्टीमा लोक तथा दोहोरी गीत प्रतिष्ठानकी अध्यक्ष रीता थापा मगर सहभागी भएकी थिइन्। उनले प्रतिष्ठानकी अध्यक्षलाई शो कल्ड आर्दवादी समेत भनेकी छन्।