रवीन्द्र मिश्रले छाडे राप्रपा

काठमाडौं। राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रले पार्टीबाट राजीनामा दिएका छन् । काठमाडौँ १ मा बेहोरेको ‘ह्यट्रिक हारसँगै उनले दलीय राजनीतिबाटै बिदा भन्दै पार्टीका सबै जिम्मेवारीबाट बाहिरिएको घोषणा गरेका छन्।

शनिबार सामाजिक सञ्जालबाट मिश्रले राप्रपाबाट राजीनामा दिएका हुन्। तर उनले राजसंस्था पुनर्स्थापना र सुशासनलगायतका मुद्दाप्रतिका आफ्ना अडान भने यथावत रहेको बताएका छन् ।

उनले भनेका छन्, ‘देशभरि राजसंस्था पुनर्स्थापनाको पक्षमा व्यापक जनमत हुँदाहुँदै पनि सो जनमतलाई सङ्गठित र पूँजीकृत गर्न राष्ट्रिय प्रजातन्त्र पार्टी विविध कारणले बारम्बार विफल भएको छ, जसका लागि पार्टीको वरिष्ठ उपाध्यक्षको हैसियतले म पनि जिम्मेवार छु।’